Góð hlustun

Við heyrum oft að makinn hlusti ekki á mann, að það skipti ekki máli hvað sé sagt að það skili sér ekki.


Slíkt er auðvitað leiðinlegt í samböndum og eitt af því sem pör kunna oft best að meta í sínum samskiptum er að makinn hefur áhuga, hlustar og endurspeglar upplifun manns.


Það er engin tilfinning sem jafnast á við það að einhver hlusti á mann af athygli og flest okkar getum bætt okkur í virkri hlustun, þar sem við hlustum á maka okkar af áhuga.


Hitt er nefnilega auðvelt, að gleyma sér í amstri dagsins og skiptast bara á skipunum hægri vinstri.

Ekkert par er endalaust í virkri hlustun og það er ekki gott ef hún er aldrei til staðar. Oft er stórt skref í aukinni nánd milli para að setja sig í stellingar og fara að hlusta af athygli á makann, gefa sér tíma til að hlusta, skilja og spjalla um upplifunina. Vera aftur forvitinn og áhugasöm/-samur. Svo hitt að leggja sig fram um að skilja makann og sýna honum skilning.


En kannski er langt síðan og streitan og álagið farið að setja sitt mark á samskiptamynstrið. Þá er gott að staldra við og setja sér það að spyrja spurninga í áttina að:


Hvernig upplifun var þetta fyrir þig?

Viltu segja mér aðeins betur frá þessu?

Af hverju var þetta svona gott/ ömurlegt?

Er staðan/atvikið s.s. svona? (endursegið)

Þarna er maður að gefa makanum færi á að segja betur frá, skilja sig betur og fá athygli frá makanum meðan maður setur sig inn í að hlusta, af athygli og þá er líka mikilvægt að passa að vera í liði með makanum:


Það er rosalegt að heyra, ég skil þig vel

Ég hefði líka alltaf brugðist við

Meikar sens

Ég get mátað mig inn í þessar aðstæður.


Stundum vantar okkur að upplifa að makinn sjái mann eins og maður er núna og tengingin sem kemur í kjölfar þess að setja sig í stellingar, hlusta, vera með í liði og hlusta er ótrúlega góður grunnur að betri og sterkari tengingu og bættum samskiptum.


Hönd í hönd

ST.JO Lífsgæðasetri

Hafnarfjörður

soffia@hondihond.is

s. 8624804

  • Instagram
  • Black Facebook Icon

Mánudagar 9-17

Miðvikudagar 9-17

Aðrir tímar eftir samkomulagi

@ Hönd í hönd